ئێمباپێ: ئامانجی داهاتووم بردنەوەی چامپیۆنزلیگە لەگەڵ پاریس سان جێرمان
یاریگا –
كیلیان ئێمباپێ، ئەستێرەی فەڕەنسی یانەی پاریس سان جێرمان پلانی داهاتووی خۆی ئاشكراكرد كە بردنەوەی نازناوی چامپیۆنزلیگە لەگەڵ یانەكەی.
تا ئێستا ئەستێرە فەڕەنسیەكە نەیتوانیوە نازناوی چامپیۆنزلیگ لەگەڵ هیچ یانەیەك بباتەوە.
لە لێدوانێكی رۆژنامەوانیدا لەگەڵ كەناڵی “France 3” باشترین گۆڵكاری یاریەكانی جامی جیهانی 2022ی قەتەڕ گووتی:
قۆناخی داهاتوو؟ بردنەوەی چامپیۆنزلیگ، پێشتر لە کۆتایی پاڵەوانیەتییەکە یاریم کردووە هەروەها لە قۆنای پێش کۆتایی و چارەکی کۆتاییش. من یاریزانی پاریس سانجێرمانم و گرێبەستم هەیە، بۆیە لە پاریس دەمێنمەوە ، دەمەوێت لەگەڵ پاریس نازناوی چامپیۆنزلیگ ببەمەوە.
پێشتر چەند سەرچاوەیەك ئاماژەیان بەوە كرد كە كیلیان دڵخۆش نیە لە پاریس و دەیەوێت ریزەكانی یانەكەی جێبهێڵێت ، بەڵام یاریزانە فەڕەنسیەكە بەو لێدوانانەی سەرجەم دەنگۆكانی بە درۆ خستەوە.
🎙️ #TLS | Interrogé par @FabLeveque, @KMbappe s'est exprimé concernant son avenir au @PSG_inside ⚽
👉 L'intégralité de l'interview à retrouver ici : https://t.co/isZyTknjbM pic.twitter.com/HkddEjKlkU
— francetvsport (@francetvsport) April 12, 2023
لەم وەرزەی خولی فەڕەنسیدا ئێمباپێ بەشداری لە 26 یاری كردووە 19 گۆڵی كردووە و 3 گۆڵیشی درووست كردووە.
