مەسعود ئۆزیل دەبێتە کاندیدی هەڵبژاردنەکانی تورکیا
یاریگا
مەسعود ئۆزیل، یاریزانی بەرەگەز تورکی پێشووی هەڵبژاردەی ئەڵمانیا وەکو کاندیدی AK PARTY پارتی داد و گەشەپێدانی تورکیا بەشداری هەڵبژاردنەکانی پەرلەمانی تورکیا دەکات.
سەرچاوەکانی تورکیا بڵاویان کردەوە یاریزانەکەی پێشووی یانەکان ریال مەدرید و ئارسیناڵ بڕیاریداوە دوای وازهێنان لە یاریکردن، بچێتە ناو کایەی سیاسی و بۆ ئەم مەبەستەش لەسەر لیستی حیزبەکەی رەجەب تەیب ئەردۆگان سەرۆک کۆماری وڵاتەکەیان خۆی کاندید دەکات و بەشداری هەڵبژاردنەکانی داهاتووی پەرڵەمانی وڵاتەکەیان دەکات.
ئەمڕۆ یەک شەممە کۆتا وادەی پێشکەش کردنی لیستی ناوی کاندیدەکان بوو، لە ماوەی رابردوو پێش ئەوەی لیستی کۆتایی کاندیدەکانیAk Party ئاشکرا بکرێن، تەیب ئەردۆگان سەرۆکی حیزبەکە رایگەیاند ئەوان کاندیدی چاوەڕوان نەکراویان دەبێت، دوای پێشکەش کردنی لیستی کۆتایی، دەرکەوت یەکێک لەو کەسانە مەسعود ئۆزیل یاریزانی پێشووی هەڵبژاردەی ئەڵمانیایە.
بڕیارە 14ـی مانگی داهاتوو هەڵبژاردنەکانی پەرلەمان لە وڵاتی تورکیا بەڕێوەبچێت.
