یاریگا –
محەمەد سەڵاحی میسڕی و ئەستێرەی یانەی لیڤەرپوولی ئینگلیزی بەشداری لە راهێنانەکان ئەمڕۆی یانەكەی نەکرد.
ماڵپەری لیڤەرپوول ئیکۆ بڵاویکردەوە هێرشبەرە میسڕیەکەی رێدز بەشداری دوایین ئامادەکاری یانەکەی بۆ یاریی هەفتەی داهاتوو بەرامبەر ئارسیناڵ لە گەڕی 29 پرێمەرلیگ نەکردووە، سەرچاوەکە باس لەوە دەکات هێرشبەرەکەی لیڤەرپوول پشووی پێدراوە بۆیە بەشداری راهێنانەکانی نەکردووە.
لەلایەکی دیکەوە چەند سەرچاوەیەک لە نێوخۆی بەریتانیا بڵاویان کردووەتەوە، سەڵاح لەوانەیە پێکانی هەبێت بۆیە بەشداری راهێنانەکانی ئەمڕۆی یانەکەی نەکردووە.
لیڤەرپوول یەکشەممەی داهاتوو لە گەڕی 29 خولی ئینگلیزی رووبەڕووی ئارسینالی پێشەنگ دەبێتەوە، رێدز لە سێ یاریی رابردووی هیچ بردنەوەیەکی نیە.
سەڵاح لەم وەرزەی پرێمەرلیگ بەشداری لە 28 یاریدا كردووە 12 گۆڵی تۆماركردووە و 7 گۆڵیشی درووست كردووە.
