یوێفا قەرەبووی هاندەرانی لیڤەرپوول دەکاتەوە

یاریگا –

ژمارەیەک هاندەری لیڤەرپوول کە ئامادەی یاری کۆتایی وەرزی رابردووی چامپیۆنزلیگ بوون، سکاڵایان لە دژی یەکێتیی تۆپی پێی ئەوروپا بەرزکردەوە.

کۆمپانیای پارێزەری Lay Day بە نوێنەرایەتی 887 هاندەرنی لیڤەرپوول، سکاڵایەکیان لە دژی کۆمپانیای رێکخەر و یەکێتیی تۆپی پێی ئەوروپا بەرزکردەوە، دوای ئەوەی لە ئەنجامی جەنجاڵی دەرەوەی یاریگا، بریندار بوون.

تیۆدۆر تیۆدۆریدیس، ئەمینداری گشتی یوێفا پێشتر رایگەیاندبوو، پارە بۆ ئەو هاندەرانە خەرج دەکرێتەوە کە بە کردەیی بلیتی یارییەکەیان هەبوو.

لە 28 مانگی ئایاری ساڵی رابردوو، یوێفا داوای لێبووردنی لە هاندەرانی لیڤەرپوول کرد، دوای ئەوەی هەزاران هاندەر بە هۆی ناڕێکخراوی چوونە ژوورەوەدا نەیتوانی ئامادەی یارییەکە بن.