یاریگا –
باشترین پێكهاتەی یارییەكانی هەفتەی بیست و حەوتەمی خولی ئیسپانیا دیاریكرا.
دوای ئەنجامدانی یارییەكانی هەفتەی 27 باشترین پێكهاتەی یاریزانان بۆ ئەو هەفتەیە دیاریكرا.
پێكهاتەكە لەلایەن یاریزانانی هەردوو یانەی بارسێلۆنا و ریال مەدریدەوە داگیر كراوە و بە جۆرێك حەوت یاریزانی پێكهاتەكەیان گرتووە.
لەو هەفتەیەدا بارسێلۆنا بە چوار گۆڵی بێ وەڵام لە ئێلچی بردەوە و ریال مەدریدیش بە شەش گۆڵی بێ وەڵام لە ڤایادۆلیدی بردەوە.
باشترین پێكهاتەی یارییەكانی هەفتەی 27 بە پێی DAZN:
گۆڵپارێز: تێر شتیگن
هێڵی بەرگری: ئارناو مارتینێز – رۆنالد ئاراوخۆ – لویز فلیپ – چاڤی گالان
هێڵی ناوەند: گاڤی ، ئێریك گارسیا ، گابری ڤێگا
هێڵی هێرشبردن: رۆدریگۆ ، بێنزێما ، ڤینیسیۆس
بارسێلۆنا لە پلەی یەكەمی ریزبەندی لالیگا دێت بە كۆكردنەوەی 71 خاڵ و یانە شاهانەكەش بە كۆكردنەوەی 59 خاڵ لە پلەی دووەم دێت.
رۆبەرت لیڤاندۆڤسكی بە 17 گۆڵ لە ریزبەندی یەكەمی گۆڵكارانی خولی ئیسپانیا دێت و بێنزێماش بە 14 گۆڵ لە پلەی دووەم دێت.
