رودیگەر تووشی پێکان بووە و ترس لەسەر کلاسیکۆ هەیە

ئەنتۆنی رودیگەر بەرگریکاری یانەی ریاڵ مەدرید  بە چەند کاتژمێرێک بەر لە یارییەکەیان تووشی پێکان بوو.

یاریزانە ئەڵمانییەکە ئەمڕۆ لە ئەژنۆیدا تووشی ئازار هاتووە و بەشداری یارییەکەی ئەمڕۆیان بەرامبەر ریاڵ ڤایادۆلید ناکات.

بەگوێرەی ماریۆ کارتاخێنیای رۆژنامەنووسی نزیک لە مەدرید، سبەینێ پشکنینی بۆ دەکرێت  و ئازارەکەی لە ئەژنۆی چەپیدایە. هەرچەندە پێناچێت پێکانێکی درێژخایەن بێت بەڵام ئەگەری ئەوە هەیە لە کلاسیکۆی شەوی چوارشەممە بەشدارنەبێت.

رودیگەر دەچێتە پاڵ مێندی و ناچۆ لە ریزی ئەو بەرگریکارانەی یانەکە کە ئامادەی یاریکردن نین..