یاریگا –
یانەی هەولێر لە دەرەوەی یاریگای خۆی سەرکەوتنێکی گەورەی بەرامبەر بە یانەی کارەبا بەدەستهێنا.
ئەمشەو لە میانی یارییەکی دواخراوی گەڕی بیست و یەکی خولی یانە نایابەکانی عێراق، یانەی کارەبا لە یاریگای شەعبی نێودەوڵەتی میوانداری یانەی هەولێری کرد.
یارییەکەش بە ئەنجامی 3 گۆڵ بەرامبەر بە گۆڵیک لە بەرژەوەندی کوڕانی قەڵا و منارە کۆتایی هات،
گۆڵەکانی هەولێر لە رێگەی یاریزانان محمد خەلیل لە خولەکی 43، حەسەن عاشور لە خولەکی 57 و شێرکۆ کەریم لە خولەکی 64 کران.
بەم سەرکەوتنەش یانەی هەولێر ژمارەی خاڵەکانی لە 21 یاری کرد بە 25 خاڵ و خۆی گەیاندە پلەی 14ـی ریزبەندی خولەکە.
یانەی کارەباش بەم شکستە 3 خاڵ لە یانەی قوە جەویەی پێشەنگ دوورکەوتەوە و بە کۆکردنەوەی 41 خاڵ لە پلەی سێیەمی خولەکە دێت.
