یاریگا
خانمانی یانەی بارسێلۆنای ئیسپانیا لە گەڕی 23 لالیگای خانمان لە یاریی کلاسیکۆ میوانداری خانمانی ریال مەدریدیان کرد و یارییەکەشیان بە ئەنجامی 1-0 بردەوە.
لە یاریگای سپۆتیفای کامپ نۆ، خانمانی بلاوگرانا دوای 22 بردنەوەی لەسەر یەک ئەمجارەیان لە یاریی کلاسیکۆ میوانداری خانمانی مێرنگیان کرد و یارییەکەشیان بە ئەنجامی گۆڵێکی بێ وەڵام بردەوە.
نیوەی یەکەمی یارییەکە بەبێ گۆڵ کۆتایی هات، نیوەی دووەم لە خولەکی 77 رۆلفۆ توانی تاکە گۆڵی یارییەکە بە لێدانی سزا بۆ بارسێلۆنا بکات و سێ خاڵی دیکەشی بۆ یانەکەی بەدەستهێنا.
بەم بردنەوەیە خانمانی بارسێلۆنا لە پێشەنگایەتی خولی ئیسپانیا، کۆی خاڵەکانیان گەیاندە 99 خاڵ. خانمانی ریال مەدریدیش بە 63 خاڵ لە پلەی دووەمی ریزبەندی مانەوە.
