لاپۆرتا وردەکارییەکانی گەڕانەوەی مێسی ئاشکرا دەکات

خوان لاپۆرتا، سەرۆکی بارسێلۆنا یەکەمجارە بە ئاشکرا باس لە گەڕانەوەی لیۆنێل مێسی بۆ بارسێلۆنا دەکات.

لاپۆرتا قسەی بۆ کەناڵی یوتیوبی ”The Business and Money Behind Sports” کردووە و باسی لە ئەگەرەکانی گەڕانەوەی مێسی بۆ بارسێلۆنا کردووە و دەڵێت

دەرگاکانی بارسێلۆنا بۆ مێسی کراوەن، مێسی باشترین یاریزانی مێژووە، یاریزانێکی زۆر گرنگی مێژووی بارسێلۆنایە. دەبێ زۆر ئاگاداری قسەکانم بم، ئێستا مێسی یاریزانی پاریس سانجێرمانە و پێویستە رێز لەم بابەتە بگرم، بەڵام لیۆ دەزانێت، ئەو لە دڵی ئێمەدایە.

سەبارەت بە پۆستی سەرۆکایەتی بارسێلۆنا و چۆنیەتی هێنانەوەی مێسی دەڵێت

پێویستە رێگەیەک بۆ بەرەوپێشبردنی پەیوەندییەکانی بارسێلۆنا و لیۆ مێسی بدۆزمەوە، بەڵام ئەو دەزانێت، دەرگاکانمان بەردەوام بۆ ئەو کراوەن.