یاریگا
هەژماری فەرمی پرێمەرلیگ پاڵێوراوانی خەڵاتی باشترین یاریزانی مانگی ئادارـی خولەكەی راگەیاند.
كەمێك پێش ئێستا هەژماری فەرمی پرێمەرلیگ لە تۆڕی كۆمەڵایەتی توویتەر شەش یاریزانی وەك پاڵێوراوی خەڵاتی باشترین یاریزانی مانگی ئاداری خولەكەی دەستنیشانكرد.
هەریەك لە یاریزانان ( ئەلێكساندەر ئیزاك ، ئەلێكسیس ماك ئالیستەر، تایرۆن مینگز، بوكایۆ ساكا، محەمەد سەڵاح، لیاندرۆ ترۆسارد) پاڵێوراوان بۆ بردنەوەی خەڵاتی باشترین یاریزانی مانگی ئاداری پرێمەرلیگ.
ئامارەكانی پاڵێوراوانی خەڵاتی باشترین یاریزانی مانگی ئاداری پرێمەرلیگ:
– ئیزاك: لە مانگی رابردوو 186خولەك یاری كردووە، توانیویەتی سێ گۆڵ بكات.
– ماك ئالیستەر: لە مانگی رابردوو 268 خولەك یاری كردووە، دوو گۆڵی كردووە و گۆڵێكیشی درووست كردووە.
– مینگز: لە مانگی رابردوو 270 خولەك یاری كردووە، ئەسیستێكی كردووە و دوو كلین شیتی هەیە.
– ساكا: لە مانگی رابردوو 334 خولەك یاری كردووە، سێ گۆڵی كردووە و دوو ئەسیستیشی هەیە.
– سەڵاح: لە مانگی رابردوو 270 خولەك یاری كردووە، سێ گۆڵی كردووە و دوو گۆڵیشی درووست كردووە.
– ترۆسارد: لە مانگی رابردووە 236 خولەك یاری كردووە، توانیویەتی پێنج گۆڵ درووست بكات.
