یاریگا
جۆردی ئەلبا، یاریزانی ئیسپانی یانەی بارسێلۆنا ئاشكرایكرد كە لیۆنێل مێسی ئەستێرەی پێشووی بارسێلۆنا و ئێستای پاریس سان جێرمان تووشی شۆكی كردووە.
لە چاوپێكەوتنێكیدا بۆ رۆژنامەی مۆندۆ دیپۆرتیڤۆ ئەلبا سەبارەت بە گەڕانەوەی مێسی گووتی: نازانم چی روودەدات گرێبەستی لەگەڵ پاریس سان جێرمان هەیە، بەڵام بێگومان دەمەوێت بگەڕێتەوە ، ئەوە بۆ بلاوگرانا و خۆشی زۆر باش دەبێت.
بەردەوام بوو گووتی: لە ماوەی ساڵی یەكەمیدا بە كاتێكی باشدا تێنەپەڕی لەگەڵ یانەكەی، تووشی سەختی بوویەوە لە رووی گونجاندنی ژیانیەوە ، بەڵام ئێستا زۆر باشتر بووە.
سەبارەت بە رۆشتنی مێسی لە بارسێلۆنا گووتی: تووشی شۆكی كرم هەواڵی رۆشتنی، لە رۆژی پێشتر قسەم لەگەل كرد و پێی گووتم كە لە ئیبیزا دەگەڕێتەوە و واژۆ لەسەر نوێكردنەوەی گرێبەستەکەی لەگەل بارسێلۆنا دەكات ، دواتر هەواڵەكەم لە خێزانەكەم بیست و باوەڕم نەدەكرد ، بۆ ماوەی چەند خولەكێك شۆك بووم و بڕوام نەدەكرد مێسی بڕوات.
لە درێژەی قسەكانیدا بەرگریكارەكەی بارسا گووتیشی: پەیوەندیم پێوە كرد و زۆر شتی بۆ باسكردم كە نابێت لێرە وردەكاریەكانی باس بكەم كە تەنیا خۆی و یانەكە دەیزانێت.
Which do you prefer…
🔁 Messi's assist
♥ @JordiAlba's finish#BarçaValencia pic.twitter.com/t0B9cjYlNS— LALIGA English (@LaLigaEN) February 1, 2019
لە هاوینی ساڵی 2021 دوای كۆتاییهاتنی گرێبەستەكەی لەگەڵ بارسێلۆنا بە خۆڕایی پەیوەندی بە ریزەكانی پاریس سان جێرمانەوە كرد.
