یاریگا
چاڤی هێرناندێز، راهێنەری ئیسپانی یانەی بارسێلۆنا باس لە بردنەوەكەیان دەكات بەرامبەر ریال مەدرید و رەتیكردەوە لالیگا كۆتایی هاتبێت.
شەوی رابردوو بارسێلۆنا لە یاریگای سپۆتیفای كامپ نۆوی تایبەت بە خۆی میوانداری ریال مەدریدی كرد و یارییەكەشی بە ئەنجامی دوو گۆڵ بەرامبەر گۆڵێك لێ بردەوە، لە میانی یارییەكانی هەفتەی بیست و شەشی خولی ئیسپانیا.
لە خولەكی 9ی یارییەكەدا رۆنالد ئاراوخۆ بە هەڵە گۆڵێكی لە خۆیان تۆمار كرد و پاشان لە خولەكی 45 سێرجی رۆبێرتۆ گۆڵی یەكسان بوونی بارسای كرد و لە خولەكی 92 فرانك كیسێ گۆڵی بردنەوەی كرد.
لە دوای یارییەكە چاڤی گووتی: نابێت پیرۆزبایی نازناوی لالیگام لێ بكەن، چونكە هێشتا 12 یاری ماوە ، بردنەوەی ئەمڕۆ زۆر گرنگ و پێوویست بوو، شایەنی بردنەوە بووین چونكە باشتر بووین، ئەو سەركەوتنەش متمانەی زیاتری پێ بەخشین.
هەروەها گووتیشی: هەلی گۆڵی زیاترمان درووستكرد و بە شێوەیەكی گشتی لە ریال مەدرید باشتر بووین.
سەبارەت بە بەشداریكردنی رۆبێرتۆ گووتی: تا دوا سات بە گومان بووم ئایا ئەو یاڕی پێ بكەم یا كیسێ ، لە كۆتاییدا زۆر باش بوو چونكە هەردووكیان گۆڵیان كرد و یارییەكەمان بردەوە.
بەو بردنەوەیە بارسێلۆنا كۆی خاڵەكانی بۆ 68 خاڵ بەرزكردەوە و ریال مەدریدیش لە ریزبەندی دووەم دێت بە كۆكردنەوەی 56 خال و بە جیاوازی 12 خاڵ یانە كەتەلۆنییەكە لە ریزبەندی یەكەم دێت.
