پاڵێوراوانی خەڵاتی باشترین یاریزانی هەفتەی چامپیۆنزلیگ
یاریگا
دوای تەواو بوونی یارییەكانی گەڕانەوەی قۆناخی 16ی خولی یانە پاڵەوانەكانی ئەوروپا چوار یاریزان پاڵێوراوان بۆ خەڵاتی باشترین یاریزانی هەفتەی خولەكە.
هەژماری فەرمی چامپیۆنزلیگ لە تۆڕی كۆمەڵایەتی توویتەر چوار یاریزانی دیاریكرد وەك پاڵێوراوی خەڵاتی باشترین یاریزانی هەفتەی پاڵەوانیەتیەكە.
هەریەك لە یاریزانان ( هاكان چالهانئۆگلۆ ، ئێرلینگ هالاند ، ڤیكتۆر ئۆسیمین ، كەریم بێنزێما ) پاڵێوراوی بەدەستهێنانی خەڵاتەكەن.
Who gets your vote? 🗳️@PlayStationEU | #UCLPOTW
— UEFA Champions League (@ChampionsLeague) March 15, 2023
– چالهانئۆگلۆ: لە یاری یانەكەی ئینتەر میلان بەرامبەر پۆرتۆ ئاستێكی بەرزی پێشكەشكرد و بە رێژەی %94 پاسەكانی درووست بوو.
– هالاند: لە یاری یانەكەی بەرامبەر لایپزیگ توانی پێنج گۆڵ لە كۆی حەوت گۆڵ بكات.
– ئۆسیمین: لە یاری یانەكەی بەرامبەر ئینتراخت فرانكفۆرت توانی دوو گۆڵ لە كۆی سێ گۆڵی یانەكەی بكات.
– بێنزێما: توانی تاكە گۆڵەكەی ریال مەدرید بەرامبەر لیڤەرپوول بكات.
