یاریگا
دادگای ئیسپانیا سکاڵاکەی لالیگا و خاڤیەر تێباس سەرۆکی خولەکەی پەسەند کرد و بەم شێوەیە گرێبەستە نوێیەکەی گاڤی ناوەڕاستکاری بارسێلۆنا لەگەڵ یانەکەی هەڵدەوەشێندرێتەوە.
ماڵپەری Relevoـی ئیسپانیا بڵاویکردەوە، دوای ئەوەی ئەنجومەنی لالیگا و خاڤیەر تێباس سکاڵایان بەرامبەر گرێبەستە نوێیەکەی ناوەڕاستکاری بارسێلۆنا تۆمار کرد، بە بیانۆی ئەوەی گرێبەستەکە نایاساییە و رۆژێک لە دوای وادەی دیاریکراو واژۆ کراوە، ئەمڕۆ دادگای وەرزشی وڵاتەکەیان سکاڵاکەی پەسەند کرد و ئەو یاریزانە دەبێتەوە یاریزانی تیپی دووەمی بارسێلۆنا و گرێبەستە نوێیەکەی هەڵدەوەشێندرێتەوە.
گاڤی کە دوای واژۆ کردنی گرێبەستەکەی درێسی ژمارە 6ـی پێشکەش کرا، لەمەودوا ناتوانێت ئەو ژمارەیە بپۆشێت و دەبێت ژمارە کۆنەکەی واتە ژمارە 30 بپۆشێتەوە.
