یاریگا
لیۆنێل مێسی، ئەفسانەی هەڵبژاردەی ئەرجەنتین و یانەی پاریس سان جێرمانی فەڕەنسی چاوپێكەوتنێكی لەگەڵ كەناڵی فەرمی یانەكەی ئەنجامدا.
لە چاوپێكەوتنەكەیدا مێسی گووتی:
هەستێكی نایابم هەیە لە پاریس سان جێرمان ساڵی یەكەم زۆر هەوڵیاندا لەگەڵم بۆ ئەوەی لەگەڵ پاریس بگونجێم ، بەڵام ئێستا بە تەواوی هەست بە ئاسودەیی دەكەم لەگەڵ خواستێكی زۆر بۆ ئاسودەبوون لەم یانە و لەم شارەدا ، زۆر چێژی لێ وەردەگرم.
سەبارەت بەم وەرزە لیۆ گوتی:
ئەم وەرزەم بە شێوەیەکی جیاواز دەست پێکرد، بە جۆش و خرۆشێکی زۆرەوە.
سەبارەت بە رووبەڕووبوونەوەی بایرن میونشن باشترین یاریزانی جیهان گوتی:
ئێمە کاری مەحاڵ دەکەین بۆ گۆڕینی دۆخەکە بەرامبەر بایرن و سەرکەوتن، ئەمە ئامانجی هەمووانە، یارییەکەی بایرن میونشن قورس دەبێت و لەسەر وردەکاری بچووک ئەنجام دەدرێت، زۆر قورسە لە یاریگاکەیان سەرکەوتن بەدەستبهێنین، بەڵام پێموایە ئێمە ئامادەین و توانای بردنەوەمان هەیە.
دەربارەی پێشوازی یانەكەی دوای بردنەوەی مۆندیال گوتی:
زۆر قورسە ئەوە روونبكەمەوە، ئەوە هەستێكی نایاب و خەونێكی نایاب بوو كە هاتە دی ، ئەو ساتانە هەمیشە لە بیرمدا دەمێنێت.
یاری كۆتایی مۆندیال و كیلیان ئێمباپێ؟
زۆر نایاب بوو كە كیلیان توانی سێ گۆڵ لە یاری كۆتایی مۆندیالدا تۆمار بكات ئەوە شتێكی نایاب و سەرنجڕاكێشە، هەروەها پێشتر توانیویەتی مۆندیال بباتەوە، بۆیە یاری كۆتایی زۆر نایاب بوو بۆ بینەران، هەستێكی نایابە كە لە هەمان یانەدا لەگەڵ ئێمباپێ یاری بكەین و هیوادارم ئامانجەكانمان لەگەڵ پاریس بەدی بهێنین.
ئاهەنگگێڕانی ئەرجەنتینیەكان دوای بردنەوەی مۆندیال؟
شێوازی ئاهەنگگێڕانی هاندەرەكانمان شێتانە بوو، لە راستیدا پێشبینیمان دەكرد شێتانە بێت، بەڵام نەك بەو شێوەیە.
