یاریگا
محەمەد سەڵاح، ئەستێرەی هەڵبژاردەی میسڕ و یانەی لیڤەرپوولی ئینگلیزی ڕیكۆردێكی مێژووی یانەكەی كرد بە ناوی خۆیەوە.
لیڤەرپوول لە یاریگای ئانفێڵدی تایبەت بە خۆی میوانداری مانچێستەر یونایتدی كرد و یاریەكەشی بە ئەنجامێكی گەورە و بە حەوت گۆڵی بێ وەڵام لێ بردەوە، لە میانی یارییەكانی هەفتەی بیست و شەشەمی پرێمەرلیگدا.
سەڵاح توانی گۆڵی چوارەم و شەشەمی یانەكەی تۆمار بكات لە خولەكەكانی 66 و 83.
بە تۆماركردنی ئەو دوو گۆڵە فیرعەونە میسڕیەكە كۆی گۆڵەكانی لەگەڵ لیڤەرپوول بۆ 129 گۆڵ بەرزكردەوە لە پرێمەرلیگ و بەوەش پێش رۆبی فاولەر كەوت كە خاوەنی 128 گۆڵ بوو لە مێژووی خولەكەدا.
هەروەها كاپتنەكەی هەڵبژاردەی میسڕ ریكۆردێكی دیكەی تۆمار كرد و بوو بە یەكەم یاریزانی لیڤەرپوول بتوانێت لە شەش كلاسیكۆی یەك لە دوای یەكی ئینگلتەرا گۆڵ تۆمار بكات.
