یاریگا
محەمەد سەڵاح، هێرشبەری میسری یانەی لیڤەرپوولی ئینگلیزی نایەوێت ریزەکانی یانەکەی جێبێڵێت و تاوەکو کۆتایی گرێبەستەکەشی لەگەڵ یانەکەی بەردەوام دەبێت.
رامی عەباس بەرێوەبەری کارەکانی گۆڵکارە مسرییەکەی رێدز هەموو دەنگۆیانەی رەتکردەوە کە باس لە جێهێشتنی ریزەکانی یانە ئینگلیزیەکە لەلایەن یاریزانەکەوە دەکرێن و لە دیمانەیەکدا دەڵێت ” دەنگۆیەک بڵاوبووەتەوە گوایە ئەگەر یانەکەی مۆ وەرزی داهاتوو سەرنەکەوێت بۆ چامپیۆنزلیگ، ئەو یاریزانە ریزەکانی جێدێڵێت، ئەو دەنگۆیانە راست نین و سەڵاح هەرگیز بیری لەم بابەتە نەکردووەتەوە ”.
محەمەد سەڵاح تاوەکو ساڵی 2025 گرێبەستی لەگەڵ یانەکەی هەیە، بەڵام تاوەکو ئێستا لەگەڵ یانەکەی لەسەر نوێکردنەوەی گرێبەستەکەی نەگەیشتووەتە رێکەوتن.
