یاریگا
فیدراسیۆنی نێودەوڵەتی تۆپی پێ ” فیفا ” لە ئاهەنگێكدا باشترینەكانی ساڵی 2022ی ئاشكرا كرد.
رۆژی دووشەممە 27ی مانگ لە پاریسی پایتەختی فەڕەنسا لە ئاهەنگێكدا خەڵاتەكانی ” زە بێست ” بەخشرایە باشترینەكانی ساڵی رابردوو.
لیۆنێل مێسی ئەفسانەی هەڵبژاردەی ئەرجەنتین و یانەی پاریس سان جێرمانی فەڕەنسی توانی خەڵاتی زە بێست بۆ باشترین یاریزانی جیهان لە ساڵی 2022 بباتەوە.
هەریەك لە كیلیان ئێمباپێ ئەستێرەی هەڵبژاردەی فەڕەنسا و یانەی پاریس سان جێرمان ، كەریم بێنزێمای فەڕەنسی و ئەستێرەی یانەی ریال مەدریدی ئیسپانی و لیۆنێل مێسی پاڵێوراوی بردنەوەی خەڵاتەكە بوون، دوا جار پاڵەوانی جیهان و باشترین یاریزانی یاریەكانی جامی جیهانی توانی خەڵاتەكە بباتەوە.
هەروەها لە هەمان بەشدا لە ئافرەتان، ئەلێكسیا ئەستێرەی هەڵبژاردەی ئیسپانیا و یانەی بارسێلۆنا توانی خەڵاتی زە بێست بۆ باشترین یاریزانی جیهان لە ساڵی 2022 بباتەوە.
