یاریگا
ئەمشەو لە یاریی لوتکەی گەڕی 23 لالیگا و لە یاریگای سانتیاگۆ بیرنابیۆ، ریال مەدرید لە یاریی دێربی مەدرید پێشوازی لە رکابەرەکەی واتە ئاتلێتیکۆ مەدرید دەکات.
شاهانەکان لە کاتێکدا پێشوازی لە رۆخێ بلانکۆس دەکات، بە جیاوازی هەشت خاڵ لەگەڵ بارسێلۆنای پێشەنگ لە پلەی دووەمی ریزبەندی دێن. لە بەرامبەردا رۆخێ بلانکۆس ئەو یانەیەش خاوەنی 41 خاڵە و لە پلەی چوارەمی ریزبەندی دێت.
دێربیەکی چارەنوساز دەبێت بۆ هەردوو یانە، هەر کامیان تووشی دۆڕان بێت چارەنوسی دەکەوێتە مەترسی، ریال هەوڵی گەیشتن بە پێشەنگایەتی دەدات و ئاتلێتیکۆش هەوڵی مسۆگەر کردنی تۆپ فۆر.
هەردوولا چەند یاریزانێکیان بەهۆکاری جیاواز بەشداری یارییەکە ناکەن. لە ریزەکانی ریال مەدرید داڤید ئالابا، رۆدریگۆ، ماریانۆ دیاز و فێرلاند مێندی بەهۆی پێکان دادەبڕێن. لە ریزەکانی ئاتلێتیکۆ مەدریدیش هەر یەکە لە دی پاول و رێگیلۆن بەشداری یارییەکە ناکەن.
– لە دوایین پێنج یاریی لە سەرجەم خوڵ و پاڵەوانتیەکان ریال مەدرید خاوەنی 3 بردنەوەیە، ئاتلێتیکۆش یەک بردنەوەی هەیە.
– ریال مەدرید لە دوایین 13 دێربی لالیگا، تەنها یەک یاریی دۆڕاندووە.
– ئاتلێتیکۆ مەدرید لە دوایین 3 یاریی لە یاریگای سانتیاگۆ بیرنابیۆ هەرسێ یارییەکەی دۆڕاندووە و هیچ گۆڵێکیشیان نەکردووە.
– ریال مەدرید لە دوایین 4 یاریی بەرامبەر یانەکانی مەدرید 2 یاریی دۆڕاندووە.
– ئاتلێتیکۆ مەدرید شەش یارییە لەسەر یەک لە لالیگا هیچ یارییەکی نەدۆڕاندووە.
