یاریگا
ڤینیسیۆس جونیۆر، هێرشبەری بەڕازیلی یانەی ریال مەدریدی ئیسپانیا، لە یاریی رابردووی یانەکەی بەرامبەر ئۆساسۆنا، قسەی نەشیاوی بە ناوبژیوانی یارییەکە گوتووە.
رۆژنامەی وەرزشی ئاسی ئیسپانی بڵاویکردەوە، گۆڵکارە لاوەکەی شاهانەکان ئەو کاتەی لە خولەکی 33 لەگەڵ یاریزانی تیپی بەرامبەر بەرکەوتنی هەبوو، لەو کاتە مۆنتێرۆی ناوبژیوان بڕیاریدا یارییەکە بەردەوام بێت، بۆیە بڕیارەکە بووە هۆی توڕەبوونی یاریزانەکە و بە ناوبژیوانی گووتووە “ گەمژە بۆچی فاولت هەژمار نەکرد، بچو بۆ دۆزەخ “.
سەرچاوەکە ئاماژەی بەوەشکردووە ناوبژیوان لە راپۆرتەکەی باسی لەو بێ رێزیەی ڤینیسیۆس کردووە، بۆیە سزایەکی قورس چاوەڕێی دەکات.
