فەرمی: بازرگانێكی قەتەری داوای كڕینی مانچێستەر یونایتد دەكات
یاریگا
شێخ جاسم بن حەمەد، سەڕۆكی دەستەی بەڕێوەبەری بانكی ئیسلامی قەتەری رایگەیاند كە ئۆفەرێكی پێشكەش كردووە بۆ ئەوەی بە تەواوی پشكەكانی مانچێستەر یونایتد بەدەستبهێنێت.
پێشتر خێزانی گلەیزەرز پێشنیاری فرۆشتنی مانچێستەر یونایتدیان كرد دوای 18 ساڵ لە خاوەندارێتیكردنی یانەكە.
لەبەیاننامەیەكیدا كە رۆژنامەی دەیلی ستار بڵاویكردووەتەوە رایگەیاند: شێخ جاسم بن حەمەد دووپاتیكردەوە كە ئۆفەرێكی پێشكەش كردووە بۆ ئەوەی بە رێژەی %100 یانەی مانچێستەر یونایتدی ئینگلیزی بكڕێت.
هەروەها رۆژنامەكە ئەوەشی ئاشكرا كرد: سەرۆكی دەستەی بەڕێوەبەری بانكی ئیسلامی قەتەری پلانی هەیە یانەکە بگەڕێنێتەوە بۆ شکۆمەندییەکانی پێشووی لەناو یاریگا و دەرەوەی یاریگا، لە سەرووی هەمووشیانەوە هەوڵدەدات جارێکی دیکە هاندەران بخاتەوە دڵی شەیتانە سورەكان.
مانچێستەر یونایتد بە كۆكردنەوەی 46 خاڵ لە ریزبەندی سێیەمی پرێمەرلیگ دێت بە جیاوازی پێنج خاڵ لە مانچێستەر سیتی پێشەنگەوە دوورە.
