پێكهاتەی پێشبینیكراوی بارسێلۆنا بۆ یارییەكەیان بەرامبەر ڤیاڕیاڵ

یاریگا

پێكهاتەی پێشبینیكراوی چاڤی هێرناندێزی ئیسپانی و راهێنەری یانەی بارسێلۆنا بۆ یارییەكەیان بەرامبەر ڤیاڕیاڵ.

وا بڕیارە ئەمڕۆ یەكشەممە كاتژمێر 23:00 بە كاتی كوردستان ڤیاڕیاڵ لە یاریگای لا سیرامیكای تایبەت بە خۆی میوانداری بارسێلۆنا بكات، لە میانەی یارییەكانی گەڕی بیست و یەكەمی خولی ئیسپانیا.

بارسێلۆنا بە كۆكردنەوەی 53 خاڵ لە پێشەنگی ریزبەندی خولی ئیسپانی دێت و ڤیاڕیاڵیش بە كۆكردنەوەی 31 خاڵ لە پلەی هەشتەم دێت.

بۆ ئەو یارییە بارسێلۆنا لە تواناكانی هەریەك لە عوسمان دێمبلی و سێرخیۆ بۆسكێتس بێ بەش دەبێت.

پێكهاتەی پێشبینیكراوی بارسێلۆنا:

گۆڵپارێز: تێر شتیگن

هێڵی بەرگری: باڵدی ، كریستینسن ، ئاراوخۆ ، كۆندی

هێڵی ناوەند: پێدری ، دی یۆنگ، كیسێ

هێڵی هێرشبردن: گاڤی، لیڤاندۆڤسكی ، رافینها