ئەلبا: تەنیا لە یەك بارودۆخدا بارسێلۆنا جێدەهێڵم
یاریگا
جۆردی ئەلبا، بەرگریكاری باڵی چەپی هەڵبژاردەی ئیسپانیا و یانەی بارسێلۆنا توڕەیی خۆی دەربڕی لە بەرامبەر ئەو دەنگۆ و پڕوپاگەندانەی بەرامبەری دەكرێت لە لایەن رۆژنامەكانی ئیسپانیاوە.
گرێبەستەكەی ئەلبا لەگەڵ بارسێلۆنا لە هاوینی ساڵی 2024 بەسەردەچێت.
لە چاوپێكەوتنێكیدا لەگەڵ رۆژنامەی ماركا بەرگریكارە ئیسپانیەكە گووتی: درۆیەکی زۆر لەسەر من لە ڕۆژنامەکاندا بڵاوکراوەتەوە، چەندەها شتی بە ئازار هەیە، بەڵام دەبێت فێربین لەگەڵیان بژین.
یاریزانە تەمەن 33 ساڵانەكە گووتیشی: من نیگەران نیم لەو دەنگۆیانە، بەڵام ئەو ڕۆژەی هەست دەکەم ناتوانم بەرگری لە یانەیەكی گەورەی وەک بارسێلۆنا بکەم ئەوا یەکەم کەس دەبم کە یانەكە جێدەهێڵم.
سەبارەت بە كەمكردنەوەی موچەكەی بەهۆی قەیرانی دارایی یانەكەیەوە ئەلبا گووتی: بێگومان بەنیازم هاوكاری یانەكەم بكەم.
ئەلبا لەم وەرزەی خولی ئیسپانیدا لە 14 یاریدا بەشداری كردووە و توانیویەتی گۆڵێك تۆمار بكات و سێ گۆڵیش درووست بكات.
