لیستی یاریزانە بانگهێشتكراوەكانی پاریس بۆ یارییەكەیان بەرامبەر تۆلۆز

یاریگا-

كریستۆڤ گالتیێ، ڕاهێنەری فەڕەنسی یانەی پاریس سان جێرمان لیستی یاریزانە بانگهێشتكراوەكانی یانەكەی بۆ یارییەكەیان بەرامبەر تۆلۆز بڵاوكردەوە.

وا بڕیارە ئەمڕۆ كاتژمێر 19:00 بە كاتی كوردستان پاریس سان جێرمان لە یاریگای خۆیدا میوانداری تۆلۆز بكات، لە میانەی یارییەكانی هەفتەی بیست و دووەمی خولی فەڕەنسیدا.

پاریس بە كۆكردنەوەی 51 خاڵ پێشەنگی ڕیزبەندی گرتووە و تۆلۆزیش بە كۆكردنەوەی 29 خاڵ لە پلەی سیانزەیەم دێت.

لە لیستەكەدا هەریەك لە یاریزانان نێیمار دا سێلڤا، سێرجیۆ ڕامۆس و كیلیان ئێمباپێی تێدا نیە كە بەهۆی پێكانەوە ناتوانن بەشداری یارییەكە بكەن.

لیستی یاریزانە بانگهێشتكراوەكانی پاریس:

حەکیمی ، مارکینیۆس ، فابیان ، جوان بێرنات، دانیلۆ، ریکۆ، ڤیتینیا، سانچێز، نونو مێندێس، سۆلێر، پێمبێلێ، مێسی، بیتشیابۆ، زایر ئێمرێ، چاربی، حوسنی، ئێکیتیکێ، لێتیێر، دۆنارۆما.