فەرمی: یۆنان میوانداری جامی سوپەری ئەوروپی دەكات

یاریگا-

یەكێتی تۆپی پێی ئەوروپا یوفا بە شێوەیەكی فەرمی ڕایگەیاند كە میوانداریكردنی جامی سوپەری ئەوروپی لە ڕوسیا وەرگرتەوە و بەهۆی بەردەوامی شەڕی نێوانیان لەگەڵ ئۆكرانیا.

وا بڕیار بوو شاری كازان میوانداری یاری جامی سوپەری ئەوروپا بكات كە لە نێوان براوەی چامپیۆنزلیگ و براوەی یۆرۆپا لیگ ئەنجام دەدرێت.

لە بەیاننامەیەكی فەرمیدا كە یەكێتی تۆپی پێی ئەوروپا بڵاویكردووەتەوە كشانەوەی میوانداریكردنی جامی سوپەری ئەوروپای لە ڕوسیا ڕاگەیاند.

هەروەها لە بەیاننامەكەشدا ڕایانگەیاند كە یاری سوپەری ئەوروپا دەگوازرێتەوە بۆ یاریگای جۆرجیۆس كارایسكایس لە ئەسینای پایتەختی یۆنان.

وا بڕیارە یاریەكە لە بەرواری 16ی مانگی 8 لە لە سەرەتای وەرزی داهاتوودا بەڕێوە بچێت.