یاریگا –
کارلۆ ئانچیلۆتی، راهێنەری یانەی ریال مەدرید نیگەرانی خۆی لە مامەڵکردن بەرامبەر ڤینیسیۆس جونیۆر دەربڕی، سەرەڕای بردنەوەیان بەرامبەر یانەی ئاتلێتیک بیلباو بە ئەنجامی 2-0.
ئانچیلۆتی لە دوای یارییەکە روونیکردەوە، ڤینیسیۆس یاریزانێکی شکۆدار و هەستیارە، راستییەکە ئەوەیە هەمووان بێڕێزی بەرامبەر دەکەن.
ئانچیلۆتی لە یانە رکابەرەکان تووڕەیە و دەڵێت:
یاریزانان و هاندەرانی یانەی رکابەر و ناوبژیوانان، بێڕێزی بە ڤینیسیۆس دەکەن. ئێمە رێزی زیاترمان دەوێت.
تووڕەبوونی کارلۆ ئانچیلۆتی لە دوای بڕینە یەک لە دوای یەکەکانی ڤینیسیۆس دێت، کە خاوەنی زۆرترین بڕینی یاریزان بوو لە یارییەکەدا و شەش جار فاوڵی لە بەرامبەر هەژمار کرا، بەبێ ئەوەی هیچ یاریزانێکی ئاتلێتیک بیلباو کارتی زەردی پێبدرێت.
ئەستێرەکەی هەڵبژاردەی بەرازیل لەم وەرزەدا، بەشداری لە 9 گۆڵدا کردووە، ئەمەش ژمارەیەکی کەمە بەراورد بە وەرزی رابردوو.
