یاریگا–
مارسێلۆ بەرگریکاری بەڕازیلی پێشووی یانەی ریال مەدریدی ئیسپانیا، بووەتە ئامانجی یانەی نەسڕی سعوودی.
ماڵپەری UOL Esporte زانیاری دەستکەوتووە، دوای گواستنەوەی کریستیانۆ رۆناڵدۆ بۆ یانە سعوودیەکە، ئەو یانەیە دەیەوێت بەرگریکاری یانەی ئۆڵەمپیاکوسی یۆنانی، هاوینی داهاتوو دوای کۆتایی هاتنی گرێبەستەکەی، بێ بەرامبەر بۆ ریزەکانی بگوازێتەوە.
سەرچاوەکە بڵاویشی کردەوە پەیوەندیەکە بەهێزەکەی نێوان رۆناڵدۆ و مارسێلۆ، وایکردووە بەرپرسانی یانەی نەسڕ، هەوڵی گواستنەوەی بەرگریکارە بەڕازیلیەکە بدەن.
