فەرمی: ئارسێناڵ هێرشبەرێکی نوێ گواستەوە

یاریگا-
لیاندرۆ ترۆسار، هێرشبەری بەلجیکی یانەی برایتۆنی ئینگلیزی، بەشێوەیەکی فەرمی پەیوەندی بە ریزەکانی یانەی ئارسێناڵ کرد.

ماڵپەری فەرمی یانەی ئارسێناڵی ئینگلیزی بڵاویکردەوە، لەگەڵ یانەی برایتۆن گەیشتنە رێکەوتن لەسەر گواستنەوەی هێرشبەرە لاوەکەی ئەو یانەیە، دوای ئەنجامدانی پشکنینە پزیشکیەکان بەسەرکەوتوویی، یاریزانە لاوەکە واژۆی لەسەر گرێبەستەکەی کرد و بۆ ماوەی چوار وەرز، واتە تاوەکو ساڵی 2027 پەیوەندی بە یانە لەندەنیەکەوە کرد.

ئارسێناڵ بابەتی گواستنەوەی لیاندرۆی 21 ملیۆن یۆرۆ وەکو هەڵوەشاندنەوەی گرێبەستەکەی و، هەروەها شەش ملیۆن یۆرۆ وەکو پاداشت، پێشکەشی یانەی برایتۆن دەکات.