یاریگا–
فێران تۆرێس هێرشبەری یانەی بارسێلۆنا و ستێڤان ساڤیچ بەرگریکاری ئاتلێتیکۆ مەدرید، لەوانەیە تووشی سزایەکی قورس ببنەوە.
رۆژنامەی سپۆرتی کەتەلۆنی بڵاویکردەوە، بەهۆی ئەو روبەڕووبونەوەی نێوان هەردوو یاریزانە لە کۆتا خولەکەکانی یارییەکەی شەوی رابردوو، لەوانەیە بە توندترین شێوە لەلایەن لیژنەی تەمبێکاری لالیگا سزا بدرێن و، سزاکەش لە نێوان 4 بۆ 12 یاری دەبێت.
سپۆرت ئاماژەی بەوەش کردووە، ناوبژیوانی یارییەکە لە راپۆرتی خۆی ئاماژەی بە دەرکردنیان کردووە و، بڕیارە لە دانیشتنی لیژنەی تەمبێکاری لالیگا، بڕیار لەسەر سزای تۆرێس و ساڤیچ بدرێت.