لاپۆرتا: دی یۆنگ بۆ فرۆشتن نیە

یاریگا–
خوان لاپۆرتا، سەرۆکی یانەی بارسێلۆنای ئیسپانیا رەتیدەکاتەوە ئەوان هاوینی رابردوو هەوڵی فرۆشتنی فرانکی دی یۆنگ، ناوەڕاستکاری یانەکەیاندا بێت.

فابریزیۆ رۆمانۆ رۆژنامەنوسی ئیتاڵی بڵاویکردەوە، سەرۆکەکەی یانە کەتەلۆنیەکە بە هەموو شێوەیەک ئەو دەنگۆیانە رەتدەکاتەوە، کە باس لەوە دەکرێن ئەوان هاوینی رابردوو هەوڵی فرۆشتنی فرانکی دی یۆنگ ناوەڕاستکاری هۆڵەندی یانەکەیاندا بێت و، لە هەمان کاتدا رەتیشی دەکاتەوە دەستبەرداری ئەو یاریزانە بن و، دەشڵێت، فرانکی بۆ ئەوان یاریزانێکی گرنگە ”.

بە درێژایی هاوینی رابردوو دەنگۆیەک هەبوو مانچێستەر یونایتد ئامادەیە بە پارەیەکی خەیاڵی، دی یۆنگ ناوەڕاستکاری بارسێلۆنا بۆ ریزەکانی بگوازێتەوە، بەڵام دواجار یاریزانەکە رازی نەبووە.