ئه‌مریکابازاڕی گواستنه‌وه
فەرمی : کوڕەکەی رۆناڵدینهۆ یەکەم گرێبەستی پیشەگەرانەی واژۆکرد
یاریگا-ئەمڕۆ جواو مێندێز کوڕی ئەفسانەی تۆپی پێ رۆناڵدینهۆ گاوچۆ یەکەم گرێبەستی پیشەگەرانەی خۆی واژۆکرد لەگەڵ یانەی کرۆزیۆری وڵاتەکەی.
جواو تەمەنی ١٤ ساڵە و پەیوەندی بە تیپی دووهەمی کرۆزیرۆوە دەکات دوای بەسەربردنی ساڵیک لە ئەکادیمیای یانەکە. گرێبەستەکەی بۆ ماوەی پێنج وەرزە.
ناوبراو لە سەرەتادا کە پەیوەندی بە کرۆزیرۆوە کردووە ناسنامەی خۆی شاردووەتەوە و کەس نەیزانیوە کوڕی رۆناڵدینهۆیە تاوەکو بە دادوەرانە و بەپێی تواناکانی خۆی هەڵسەنگاندنی بۆ بکرێت. لەگەڵ ئەوەشدا سەرکەوتنی بەدەستهێناوە لە تاقیکردنەوە و مەشقەکاندا و بەوە ناسراوە یاریزانێکی باڵابەرزە بە توانای تەکنیکی زۆر بەرز.
ناوبراو دەتوانێت لە پێگەکەی باوکی یاری بکات کە هێرشبەری دووهەمە بەڵام لەوەدا جیاوازن کوڕەکەی هاوکات دەشتوانێت وەکو ناوەڕاستکاری ئاساییش یاری بکات.
