مەدرید هەنگاوێک لە بێڵینگهام نزیک دەبێتەوە

یاریگا-یانەی ریاڵ مەدرید دەگەڕێتەوە کێبڕکێکانی بەدەستهێنانی جود بێڵینگهام.

بەر لە جامی جیهانی لۆس بلانکۆس بڕیاریدابوو رکابەری لیڤەرپوول نەکات بۆ ئەستێرەکەی بۆروسیا دۆرتموند بەڵام سەرنجی لیڤەرپوول چووەتە سەر ئینزۆ فێرناندێز و سۆفیان ئەمڕابات کە دوو ئەستێرەی دیاری جامی جیهانی بوون.

بەگوێرەی رۆژنامەی مارکا، دوورکەوتنەوەی لیڤەرپوول رێگەی بۆ مەدرید خۆشکردووە تاوەکو هەوڵی هێنانی ئەو یاریزانە بداتەوە لە هاوینی ٢٠٢٣.

سەرچاوەکە ئاماژەی بەوەکردووە خودی یاریزانەکەش ئارەزووی مەدرید دەکات لەبری گەڕانەوە بۆ وڵاتەکەی و یاریکردن لە پریمەرلیگ، هەروەها پەیوەندییە پتەوەکەی نێوان یانە ئیسپانییەکە و دۆرتموندیش کارەکان ئاسانتر دەکات.

چاوەڕواندەکرێت نرخی ناوەڕاستکارە لاوەکە لە نێوان ١٠٠-١٥٠ ملیۆن یۆرۆ دابێت.