مانچێستەر یۆنایتد نزیكە لە گواستنەوەی ئینزۆ

یاریگا-

ڕاپۆرتە ڕۆژنامەوانیەكان ئاشكرایانكرد یانەی مانچێستەر یۆنایتدی ئینگلیزی نزیكە لە گواستنەوەی ئینزۆ فێرناندیزی ئەستێرەی هەڵبژاردەی ئەرجەنتین و یانەی بەنفیكای پۆرتوگالی لە گواستنەوەكانی زستانەدا.

ئینزۆ فێرناندیز ڕۆڵێكی گرنگی هەبوو لە بردنەوەی نازناوی جامی جیهانی لەلایەن ئەرجەنتینەوە.

برۆنۆ ئەندرای ڕۆژنامەنووسی پۆرتوگالی ئاشكرایكرد یانەی مانچێستەر یۆنایتد ئامادەیە بڕی هەڵوەشاندنەوەی گرێبەستەكەی ئینزۆ فێرناندیز بدات بە بەنفیكا كە بڕی 120 ملیۆن یۆرۆیە.

ئینزۆ لەلایەن یانەكانی دیكەی وەك لیڤەرپول ، مانچێستەر سیتی ، ڕیاڵ مەدرید و پاریس سان جێرمانەوە گرنگی پێدەدرێت و دەیانەوێت بیگوازنەوە.

لاوەكەی تانگۆ لە یاریەكانی جامی جیهانی 2022ی قەتەڕ خەڵاتی باشترین یاریزانی لاوی پاڵەوانیەتیەكەی بردەوە.