یاریگا–
واندا نارا، هاوژینی پێشووی مائورۆ ئیکاردی هێرشبەری ئەرجەنتینی یانەی گالاتاسارای تورکی، بەرامبەر جیابونەوە لەو یاریزانە داوای پارەیەکی خەیاڵی دەکات.
ماڵپەری Tyc Sport بڵاویکردەوە، رێکارەکانی جیابونەوەی ئەو دوو هاوسەرە دەستی پێکردووە و، واندا نارا وەکو قەرەبوو بەرامبەر جیابونەوە لە هاوسەرەکەی، داوای نزیکەی 100 ملیۆن یۆرۆ دەکات، لە هەمان کاتدا داوای زۆربەی شتومەکە گرانبەهاکانی ئەو یاریزانە دەکات.
واندا نارا لە هەمان کاتدا بەرێوەبەری کارەکانی ئیکاردی بوو، بەڵام دوای جیابونەوەیان ئەو بەرپرسیارەتەی نەماوە.