یاریگا–
کەریم بێنزێما، هێرشبەری هەڵبژاردەی فەرەنسا بەهۆی رق و کینەی بەشێک لە یاریزانەکانی هەڵبژاردەکەی، بانگهێشتی مۆندیال نەکرایەوە.
رۆژنامەی لیکیپی فەرەنسی بڵاویکردەوە، گۆڵکارەکەی هەڵبژاردەکەیان پێش دەستپێکردنی مۆندیالی 2022 تووشی پێکان بوو، بەم هۆیەوە نەیتوانی بەشداری پاڵەوانتیەکە بکات، هەرچەندە ناوی لە لیستی یاریزانەکان نەسڕایەوە و، زوتر لە وادەکەی خۆشی لە پێکانەکەی رزگاری بوو، بەڵام بەهۆی ئەوەی بەشێک لە هاوڕێکانی حەزی گەڕانەوەیان نەدەکرد، دێشامپی راهێنەر بڕیاریدا بانگهێشتی نەکاتەوە.
لەلایەکی دیکەوە هەوڵێک هەیە بۆ ئەوەی بێنزێما وەکو ورەیەک بگەڕێتەوە ریزەکانی هەڵبژاردەکەی، بەڵام ئەویش ئامادەنیە بگەڕێتەوە.
