مۆندیال
ئینفانتینۆ : جامی جیهانی یانەکان لە مەغریب دەبێت و هەواڵێکی گەورەش رادەگەیەنێت
یاریگا-جیانی ئینفانتینۆ سەرۆکی یەکێتی تۆپی پێی جیهان رایدەگەیەنێت جامی جیهانی یانەکان لە وڵاتی مەغریب دێت.
وابڕیارە لە مانگی دووی ساڵی تازەدا جامی جیهانی یانەکان بە بەشداری ریاڵ مەدریدی پالەوانی ئەورووپا و پاڵەوانانی کیشوەرەکانی دیکە بەڕێوەبچێت. سەرۆکەکە هاوکات ئەوەشی ئاشکراکرد لە ساڵی ٢٠٢٥ ـەوە جامی جیهانی یانەکان هاوشێوەی جامی جیهانی هەڵبژاردەکان دەبێت و بە بەشداری ٣٢ یانە بەڕێوەدەچێت.
لە میانەی کۆنگرە رۆژنامەوانییەکەی ئەمڕۆی سەرۆکەکەدا، جگە لەوە ئاشکرایشی کرد، فیفا ٢٠٠ ملیۆن دۆلار تەرخان دەکات بۆ دۆزینەوەی یاریزانی بەهرەمەند لە سەرانسەری جیهان و ئارسن ڤینگەریش سەرپەرشتی ئەو کارە دەکات.
