یاریگا-جیانی ئینفانتینۆ سەرۆکی فیفا پێی وایە جامی جیهانی قەتەڕ باشترین وەشانی ئەو پاڵەوانێتییەیە لە مێژوودا، هەروەها ئاشکرایدەکات قازانجییان بەراورد بە جامی جیهانی رابردوو زیادی کردووە.
سەرۆکەکە ئەمڕۆ لە کۆنگرەیەکی رۆژنامەوانیدا وتی “باشترین جامی جیهانی بوو لە کەشێکی خۆش و پڕ هەیەجان دا، ئەمە جگە لەوەی قازانجی پاڵەوانێتییەکە ٧.٥ ملیار دۆلار بووە و ئەمەش یەک ملیاری زیاترە لە مۆندیالی رووسیای ٢٠١٨.”.
قەتەڕ لەژێر هێرشێکی میدیایی توند دابوو بەر لە دەستپێکی پاڵەوانێتییەکە لەلایەن ئەورووپییەکانەوە، بەڵام بە تێپەڕبوونی کات و پاش بەڕێوەچوونی قۆناغە جیاوازەکان لە ووڵاتەدا، جگە لە سەرۆکی فیفا، زۆرێک لە کەسایەتی و یاریزان و ئەستێرەکانی پێشوو دانیان بەوەدا ناوە کە مۆندیالی سەرکەوتوو بێ کێشە بووە.
