سێهەم یاریزانی هەڵبژاردەی فەڕەنسا نەخۆش کەوت و لە مەشقەکان دابڕاوە بەر لە یاری کۆتایی جامی جیهانی.
پێشتر هەریەک لە ئادریێن رابیۆ و دایۆت ئوپامێکانۆ کە دوو یاریزانی پێکهاتەی سەرەکین، لە یاری پێش کۆتا بەهۆی نەخۆشکەوتنیان بەشدارنەبوون، ئەمڕۆش راگەیەندرا کینگسلی کۆمان تووشی هەمان دۆخ هاتووە.
دیدیە دیشامبی راهێنەر هۆکارەکەی بۆ ئامێری فێنککەرەوەی ناو یاریگاکان گەڕاندەوە و وتی “کەش و هەوای قەتەڕ گۆڕاوە و ساردتربووە، لەگەڵ ئەوەشدا هێشتا ئامێرەکانی فێنک کەرەوەی ناو یاریگا بەردەوام کار دەکەن، ئەمەش وایکردووە بەرگری لەشی یاریزانەکان لاوازتر بێت و بەم کەشە رانەهاتوون”.
فەڕەنسا رۆژی یەکشەممەی داهاتوو رووبەرووی ئەرژەنتین دەبێتەوە لە یاری کۆتایی جامی جیهانی قەتەڕ.
