یاریگا-
هاری كەین، ئەستێرەی هەڵبژاردەی ئینگلتەرا و یانەی تۆتنهامی ئینگلیزی ژمارەیەكی مێژووی واین ڕۆنی ئەستێرەی پێشووی ئەو هەڵبژاردەیەی یەكسان كردەوە.
هەڵبژاردەی ئینگلتەرا ڕووبەڕووی هەڵبژاردەی فەڕەنسا بوویەوە و یاریەكەش لە بەرژەوەندی كەڵەشێرەكان بە دوو گۆڵ بەرامبەر گۆڵێك كۆتایی هات، لە میانەی یاریەكانی قۆناغی چارەكی كۆتایی جامی جیهانی 2022ی قەتەڕ.
گۆڵەكانی فەڕەنسا لە لایەن چوامینی و جیرۆوە تۆمار كران و تاكە گۆڵەكەی ئینگلتەراش هاری كەین بە لێدانی سزا تۆماریكرد.
بە تۆمار كردنی ئەو گۆڵە كەین كۆی گۆڵەكانی لەگەڵ هەڵبژاردەكەی بۆ 53 گۆڵ بەرزكردەوە و بەوەش ژمارەكەی پێشووی ڕۆنی یەكسان كردەوە و شانبەشانی هێرشبەرەكەی پێشوو بوو بە گۆڵكاری مێژووی هەڵبژاردەی ئینگلتەرا.
