یاریگا-
مانوێل نۆیەر، گۆڵپارێزی هەڵبژاردەی ئەڵمانیا و یانەی بایرن میونشنی هەمان وڵات ڕایگەیاند كە ئەم وەرزە بۆ ئەو كۆتایی هاتووە.
كەمێك پێش ئێستا مانوێل نۆیەر وێنەیەكی خۆی لە هەژماری تایبەتی خۆی داناوە و نووسیویەتی: سڵاو هاوڕێیان، دەبێت چی بڵێم، دەكرا كۆتایی ئەمساڵ بە شێوەیەكی باشتر بووایە لەوەی ئێستا.
هەروەها نووسیویشیەتی: لە كاتێكدا هەوڵم دەدا بە خلیسكانەی سەر بەفر ئارام ببمەوە، تووشی شكانی بەشی خوارەوەی قاچم بووم، دوێنێ نەشتەرگەریم بۆ ئەنجامدرا و بە باشی بەڕێوە چوو، زۆر سوپاس بۆ پزیشكەكان.
لە كۆتایشدا گۆڵپارێزەكەی مانشافت دەڵێت: سەرەڕای ئەوەش هەست بە ئازار دەكەم كە دەزانم ئەم وەرزە بۆ من كۆتایی هاتووە، ئاگاداری خۆتان بن.
