لێدوانی دیشامپ دوای گەشتنیان بە قۆناغی چارەكی كۆتایی
یاریگا-
دیدیە دیشامپ، ڕاهێنەری هەڵبژاردەی فەڕەنسا باس لە گەشتنی هەڵبژاردەكەی بە یاریەكانی قۆناغی چارەكی كۆتایی جامی جیهانی 2022ی قەتەڕ دەكات.
هەڵبژاردەی فەڕەنسا ڕووبەڕووی پۆڵەندا بوویەوە و یاریەكەشی بە ئەنجامی سێ گۆڵ بەرامبەر گۆڵێك لێ بردەوە لە میانەی یاریەكانی قۆناغی شانزەی جامی جیهانی.
لە دوای یاریەكە ڕاهێنەری كەڵەشێرەكان ووتی: گەشتنمان بە قۆناغی چارەكی كۆتایی بۆ ئیمە ئاسان نەبوو، چونكە هەڵبژاردەی پۆڵەندا هەڵبژاردەیەكی ڕێكخراو بوو كاریان لەسەر هێرشی هەڵگەڕاوە دەكرد.
هەروەها ووتیشی: لە گێمی دووەمدا توانیمان یارییەکە کۆنتڕۆڵ بکەین، ئەم هەڵبژاردەیە توانای چارەسەرکردنی هەموو کێشەکانی ناو یاریگای هەیە.
لە كۆتایشدا ووتی: گەیشتن بە قۆناغی چارەکی کۆتایی شتێکی نایاب و سەرنجڕاکێشە، كە ئەوەش ئەنجامی هەوڵەکانمانە لەم پاڵەوانیەتییەدا، بەکۆمەڵ کاردەكەیەن و ئەمەش شتێکی باشە، و دەبێت بەردەوام بین لە کارەکانمان و ئەوەی چاوەڕوان دەکرا لە ئێمە بیگەیەنین بە هاندەرانمان.
هەڵبژاردەی فەڕەنسا لە قۆناغی چارەكی كۆتایی پاڵەوانیەتیەكەدا ڕووبەڕووی هەڵبژاردەی ئینگلتەرا دەبێتەوە.
