نەیمار: پاڵێوراوانی بردنەوەی جامی جیهانی ئاشكرا دەكات

یاریگا-

نەیمار دا سێلڤا، ئەستێرەی هەڵبژاردەی بەڕازیل و یانەی پاریس سان جێرمانی فەڕەنسی پاڵێوراوانی بردنەوەی جامی جیهانی ئاشكرا دەكات.

لە چاوپێكەوتنێكیدا لەگەڵ ڕۆژنامەی تیلیگراف نەیمار ووتی: لە جامی جیهانی شتی چاوەڕواننەكراو ڕوودەدات، هەڵبژاردەیەك كە پێشبینی ناكرێت زۆر دووردەڕوات، كە زۆر كەس باوەڕیان پێ نیە.

هەروەها ووتیشی: من پێموایە هەریەك لە هەڵبژاردەكانی فەڕەنسا، ئەڵمانیا، ئینگلتەرا و ئەرجەنتینن شانبەشانی بەڕازیل پاڵێوراون وتوانای گەشتن بە یاری كۆتاییان هەیە.

لە كۆتایشدا ووتی: جامی جیهانی خەونی گەورەی منە، ئیستاش چانسێكمان لە پێشە و هیوادارین ئەنجامی بدەین.