یاریگا-
لیۆنێل میسی، ئەفسانەی هەڵبژاردەی ئەرجەنتین و یانەی پاریس سان جێرمانی فەڕەنسی ئاشكرایكرد كە لەپاریس دڵخۆشە و چێژ لە هەموو شتەكان وەردەگرێت.
لە لێدوانیدا بۆ هەژماری فەرمی یەكێتی تۆپی پێی ئەمریكای باشوور لیۆ ووتی: ئێستا پاریسم زۆر زیاتر خۆشدەوێت، لە وەرزی یەكەممدا گۆڕانكاریەكی گەورە ڕوویدا و شتەكان زۆرلە ناكاو بوون ئامانجی من ئەوە نەبوو بارسێلۆنا جێبهێڵم هەموو شتێك لە ناكاو ڕوویدا.
بەردەوام بوو ووتی: دوای ئەو ماوە سەختە، ئێستا دڵخۆشم كە لێرە دەژیم من و خێزانەكەم چێژ لە پاریس وەردەگرین.
هەروەها ووتیشی: وەرزی یەكەمم زۆر سەخت بوو ، تەواوی ژیانم لە بارسێلۆنا بووم هەرگیز ئەزمونی ڕۆشتنم بۆ شوێنێكی دیكە نەبووە، زۆر بەخێرایی شتەكان ڕوویدا، خۆمان لە شوێنێكی نوێ دۆزیەوە ، جێگایەكی جیاواز، زمانێكی جیاواز، تۆپی پێیەكی جیاواز، كلتورێكی جیاواز، بەبۆنەی ئەو شتانەوە لە سەرەتادا سەختی زۆر هاتە ڕێگامان، بەڵام ئێستا چێژ لە هەموو شتێك وەردەگرین.
