یاریگا-کریستۆفەر نکونکو یەکەم قوربانی پێکانی مەشقەکانی خۆئامادەکارییە بۆ جامی جیهانی و لەو پاڵەوانێتییە دوورخرایەوە.
ئەستێرە فەڕەنسییەکە لەم وەرزەدا ئاستێکی بەرز نیشان دەدات و چاوەڕوانی زۆری لێدەکرا، بەڵام ئەمڕۆ لە مەشقەکانی هەڵبژاردەکەی لەلایەن کاماڤینگای یاریزانی ریاڵ مەدریدەوە دەپێککرێت.
بەگوێرەی فابریزیۆ رۆمانۆی رۆژنامەنووسی ناودار، نکونکو بەشداری جامی جیهانی ناکات و دەنێردرێتەوە بۆ ماڵەوە، بەوەش دەچێتە پاڵ چەندین ئەستێرەی دیکەی ئەو هەڵبژاردەیە کە بەهۆی پێکانەوە بێ بەش بوون.
هێشتا روون نیە دیدیە دیشامبی راهێنەر، چ یاریزانێک بۆ جێگرتنەوەی ئەو یاریزانە بانگهێشت دەکات.
