یاریگا-
لویس ئینریكی، ڕاهێنەری هەڵبژاردەی ئیسپانیا لیستی كۆتایی یاریزانەكانی هەڵبژاردەكەی بۆ یاریەكانی جامی جیهانی 2022ی قەتەڕ بڵاوكردەوە.
وا بڕیارە دوای 9 ڕۆژی دیكە یاریەكانی جامی جیهانی 2022 لە وڵاتی قەتەڕ بەڕێوە بچێت.
هەڵبژاردەی ئیسپانیا لە كۆمەڵەی پێنجەم دێت شانبەشانی هەریەك لە هەڵبژاردەكانی ئەڵمانیا، یابان و كۆستەریكا.
هەریەك لە داڤید دی خیا گۆڵپارێزی مانچێستەر یۆنایتد و سێرجیۆ ڕامۆس بەرگریكاری پاریس سان جێرمان و تیاگۆ ئەلكانتارا ناوەڕاستكاری لیڤەرپول لە لیستەكەدا نابیندرێن.
لیستی كۆتایی هەڵبژاردەی ئیسپانیا:
گۆڵپارێز: ئونای سیمۆن، ڕایا، ڕۆبەرت سانچێز
هێڵی بەرگری: كارڤاخال، ئەزپیلیكویتا، ئیریك گارسیا، پاو تۆرێس، جۆردی ئەلبا، گایا، لاپۆرت، هۆگۆ گویلامۆن
هێڵی ناوەند: بۆسكێتس، ڕۆدری، پێدری، گاڤی، كارلۆس سۆلێر، ماركۆس یۆرێنتی، كۆكی
هێڵی هێرشبردن: سارابیا، مۆراتا، یریمی پینۆ، نیكۆ ویلیامز، ئانسۆ فاتی، ماركۆ ئەسینسیۆ، فێران تۆرێس، دانی ئۆلمۆ
