ئالێگری دوور ناخرێتەوە

یاریگا–
سەرەڕای ئەوەی یانەکەی هەر لە قۆناغی کۆمەڵەکانی چامپیۆنزلیگ دوور خرایەوە، بەڵام ماسیمیلیانۆ ئالێگری راهێنەری یانەی یوڤێنتوس لە پۆستەکەی بەردەوام دەبێت.

فابریزیۆ رۆمانۆ رۆژنامەنوسی ئیتاڵی بڵاویکردەوە، سەرەڕای ئەوەی خانمە پیرەکە لە قۆناغی کۆمەڵەکانی چامپیۆنزلیگ ماڵئاوایی کرد، بەڵام ئانیلی سەرۆکی یانەکە متمانەی بە راهێنەری یانەکەی هەیە و ئامادەنیە لە پۆستەکەی دووری بخاتەوە.

رۆمانۆ ئاماژەی بەوەش کردووە کارگێری یوڤی ئالێگری راهێنەریان ئاگادار کردووەتەوە، تاوەکو ساڵی 2025 لە پۆستەکەی بەردەوام دەبێت.