رافایل ڤاران بە گرییانەوە یارییەکەی مان یونایتد و چێلسی جێهێشت و ئەگەری دوورکەوتنەوەی هەیە لە جامی جیهانی.
بەرگریکارە فەڕەنسییەکە لەوکاتەوەی پەیوەندی بە مانچێستەر یونایتد کردووە هەمیشە کێشەی پێکانی هەبووە، لە یارییەکەی ئێوارەی ئەمڕۆشدا بەرامبەر چێڵسی، جارێکیتر پێککرا..
ڤاران لە هەوڵێکدا ئەژنۆی سوڕا و پێکانی ئەژنۆش هەمیشە درێژخایەنن، بەپێی کاردانەوەکەی خۆیشی بێت ئەگەری ئەوە هەیە بزانێت کە زەحمەتە بەر لە جامی جیهانی بگەڕێتەوە.
لەگەڵ ئەوەشدا ناوبراو پێویستی بە ٤٨ کاتژمێرە بۆ ئەنجامدانی پشکنین و وێنەی تیشکیی بۆ دڵنیابوونەوە لەو بابەتە.
