یاریگا–
هاندەرانی یانەی بارسێلۆنای ئیسپانیا دوای دۆڕانی یانەکەیان لە یاری کلاسیکۆ بەرامبەر ریال مەدرید، داوای دوورخستنەوەی چاڤی راهێنەری یانەکەیان دەکەن.
ماڵپەری ElDesmarque بڵاویکردەوە ژمارەیەکی زۆری هاندەرانی بلاوگرانا لە تۆڕە کۆمەڵایەتیەکان هەڵمەتێکیان دەستپێکردووە و لەو هەڵمەتەدا بەهۆی ئەنجامە لاوازەکانی ئەم دواییە داوای دوورخستنەوەی راهێنەری یانەکەیان لە خوان لاپۆرتای سەرۆکی یانە دەکەن. هەرچەندە سەرۆک یانەکەیان بەردەوام پاڵپشتی راهێنەرەکەیان دەکات.
بارسێلۆنا هەفتەی رابردوو بە دۆڕانەکەی بەرامبەر ئینتەر میلان چارەنوسی لە چامپیۆنزلیگ کەوتە مەترسی و ئەم هەفتەیەش دوای دۆڕانەکەی بەرامبەر ریال مەدرید، پێشەنگایەتی لالیگایان لەدەستدا.
