نێیمار: ناوبژیوان بێ رێزی بەرامبەر کردووم

یاریگا–
نێیمار داسیلڤا، هێرشبەری بەڕازیلی یانەی پاریس سانجێرمان هێرش دەکاتە سەر ناوبژیوانی یاری یانەکەی بەرامبەر ماکابی حەیفای ئیسرائیلی لە چامپیۆنزلیگ.

یاریزانە بەڕازیلیەکە لە تۆڕی کۆمەڵایەتی تویتەر بڵاویکردووەتەوە “ بێڕێزی تەواو بەرامبەر وەرزشوانێک، شتێکی لەم شێوەیە ناتوانێت ڕووبدات. ناوبژیوانی یارییەکە کارتی زەرد پێداوم، لە کاتێکدا هیچم نەکردووە و تا ئێستاش بۆ من مانای نییە. ناوبژیوان؟ تەنانەت نەیگوت هەڵەم! بێڕێزییەکی ڕوون بوو “.

نێیمار بەهۆی ئاهەنگێڕانەکەی دوای گۆڵی سێیەمی یانەکەی بەرامبەر ماکابی، کارتی زەردی بە روویدا بەرزکرایەوە.