ناگلیسمان: بە یاریزانەکانم گوتوووە بردنەوە 8-2 لەبیر بکەن

یاریگا–
جولیان ناگلیسمان، راهێنەری یانەی بایرن میونشن هۆشداری دەداتە یاریزانەکانی بردنەوەکەی بەرامبەر بارسێلۆنا بە ئەنجامی 8-2 لەبیر بکەن.

راهێنەرەکەی باڤارییەکان لە کۆنگرەی رۆژنامەوانی پێش یاری یانەکەی بەرامبەر بارسێلۆنا لە چامپیۆنزلیگ گووتی “ یانە ئیسپانیەکە ئەم وەرزە پێکهاتەکەی بەهێزترە لە چاو وەرزەکانی رابردوو و یاریزانی باشیان بردووەتەوە ریزەکانیان وەکو لیڤاندۆڤسکی، بۆیە یاریزانەکانم ئاگادار کردووەتەوە بردنەوە 8-2 رابردوو لەبیر خۆیان ببەنەوە “.

بایرن میونشن شەوی داهاتوو کاتژمێر 10ـی شەو بەکاتی هەولێر، لە گەڕی دووەمی قۆناغی کۆمەڵەکانی چامپیۆنزلیگ میوانداری بارسێلۆنا دەکات.